გაყიდვების მობილური აპლიკაცია მაღაზიისთვის

კომპანია FINA-ს მიერ შემუშავებული აპლიკაციის საშუალებით უკვე მობილურიდანაც შეგეძლებათ განახორციელოთ გაყიდვები, მართოთ მარაგები და გამოწეროთ სასაქონლო ზედნადები. აღარ დაგჭირდებათ ძვირადღირებული POS-ტექნიკის შეძენა და განთავსება - რაც მცირე ფართის შემთხვევაში ძალიან მოსახერხებელია.

რაც მთავარია, პროგრამა შეგიძლიათ იქირავოთ თვეში 40 ლარიდან, რომლის გაყიდვის მოდული თავსებადია android-ის და ios ოპერაციულ სისტემებთან. ინსტალაცია უფასოა, არ საჭიროებს ტექნიკურ დახმარებას. ქლაუდ ტექნოლოგიების მეშვეობით, სერვერზე შენახული მონაცემები დაცული და ხელმისაწვდომია 24/7-ზე. ინტერნეტის წყვეტის შემთხვევაში ირთვება offline რეჟიმი. მონაცემები ინახება და კავშირის აღდგენის მერე იტვირთება სერვერზე სამუშაო პროცესის შეფერხების გარეშე.

მენეჯერული მართვა შესაძლებელია ვებ ინტერფეისის საშუალებით. კერძოდ, შესყიდვების და სხვა სასაქონლო ოპერაციების განხორციელება, RS-თან ინტეგრაცია, სტატისტიკის და ანალიტიკური მონაცემების კონტროლი. მობილურის გარდა, შესაძლებელია გამოყენებული იქნას პლანშეტი.

ვფიქრობთ, ახალი პროდუქტი რეალურად დაეხმარება მცირე და საშუალო სავაჭრო ბიზნესების მფლობელებს ხარჯების და მართვის პროცესების ოპტიმიზაციაში.