12-ივლ-2023

პირველად საქართველოში, კვების ობიექტებში შემოსული შეკვეთების ავტომატური ასახვა FINA24-ის ქლაუდ სარესტორნო მოდულშია შესაძლებელი, რაც ამარტივებს ყოველდღიურ პროცესებს და პასუხობს თანამედროვე ტექნოლოგიურ გამოწვევებს.

სწორედ ამიტომ, აქტიური თანამშრომლობის შედეგად, ამიერიდან GLOVO-ს, WOLT-ისა და BOLT-ის მიტანის სერვისები ინტეგრირდებიან FINA-სთან, რაც გულისხმობს რიგი პროცესების გამარტივებას კვების ობიექტებში: მიტანის პლატფორმიდან შემოსული შეკვეთები მოლარესთან პირდაპირ აისახება FINA-ს მოლარის გაყიდვების მოდულში და დადასტურების შემთხვევაში ავტომატურად გაიგზავნება დასამზადებლად. შედეგად, მოლარეებს აღარ მოუწევთ შეკვეთების ხელით შეყვანა POS პროგრამაში და შესაბამისად, შეცდომების დაშვების ალბათობა თითქმის ნულს უტოლდება.

მიტანის სერვისებში სარესტორნო მოდულის ინტეგრაციას რამდენიმე უპირატესობა აქვს ბიზნესის მართვის გასაუმჯობესებლად. ერთ-ერთი ყველაზე მნიშვნელოვანი კი სიზუსტე და სამუშაო დროის დაზოგვაა. ინტეგრირებული სარესტორნო მოდულით სარგებლობისას, პერსონალს ნაკლები ჩართულობა აქვს მიტანის სერვისიდან შეკვეთის მიღებისას, აღარ უწევს თითოეული მათგანის სისწორის შემოწმება და ხელით მუშაობა პროგრამაში, რაც გულისხმობს იმას, რომ მომხმარებლის სურვილი და მოთხოვნილება მაქსიმალურად სწორად და სწრაფად იგზავნება მზარეულთან.

გამომდინარე იქიდან, რომ არსებობს მრავალი ტიპის სარესტორნო ბიზნესი, კომპანია FINA პოტენციურ მომხმარებლებს სთავაზობს აირჩიონ მოდულები, რომლებიც ყველაზე მეტად შეესაბამება მათ საქმიანობას და საჭიროებებს, არჩევანის საშუალება კი საკმაოდ ფართოა: რესტორნის პროგრამა, POS მოდული, მენიუსა და მაგიდების მართვა, საწყობისა და ფინანსების მართვა, თვითმომსახურების კიოსკები, დრაივ სისტემა და ა.შ. სარესტორნო მოდულების მოქნილობა გულისხმობს იმას, რომ შესაძლებელია მოერგოს ნებისმიერი ბიუჯეტის მქონდე ობიექტს და ამავდროულად დიდი წვლილი შეიტანოს ფინანსური წარმატების მისაღწევად, FINA-ს ქლაუდ სარესტორნო მოდულის ინტეგრაციით მიტანის სერვისებში, მნიშვნელოვნად მცირდება ყოველთვიური ფინანსური ხარჯი, რადგან აღნიშნული მოდული ახალი კადრის საჭიროებას გამორიცხავს, არსებული პერსონალის სამუშაოს კი მნიშვნელოვნად ამსუბუქებს.

როგორც უკვე აღვნიშნეთ, გამარტივებულ მომსახურებას უდიდესი როლი ენიჭება ბიზნესის წარმატების მისაღწევად. რუტინული პროცესების თავიდან არიდება კი სულაც არ გულისხმობს ადამიანების ჩართულობის ნაკლებობას, პირიქით, FINA ქლაუდ სარესტორნო მოდულის ინტეგრაციით მიტანის სერვისებში პერსონალს მეტი დრო და ენერგია რჩება მომხმარებლების მხარდასაჭერად და მათი კმაყოფილების დონის ასამაღლებლად.

სიახლეების დანერგვა და ტრენდული გადაწყვეტილებების მიღება კომპანიებისთვის ერთ- ერთი მთავარი გზაა წარმატებისკენ. კომფორტული, თანამედროვე გარემო და ხარისხიანი მომსახურება კი აყალიბებს ლოიალურ და ერთგულ მომხმარებელს.

FINA-ს გუნდი ქმნის და მომხმარებლებს სთავაზობს ბიზნესის მართვისა და აღრიცხვის პროგრამულ უზრუნველყოფას სხვადასხვა მიმართულებით, რომლებიც მორგებულია ბაზრის მოთხოვნებსა და საჭიროებებზე. ამჟამად FINA 10-ზე მეტი პროდუქტითაა წარმოდგენილი როგორც საქართველოს, ასევე უცხოურ ბაზარზე, რამაც 5000-ზე მეტ კომპანიას გაუმარტივა ბიზნესის მართვა და ხელი შეუწყო მათ განვითარებას.


20-თებ-2024
ბუღალტრული აღრიცხვის პროგრამით სარგებლობის მნიშვნელობა ბიზნესის განვითარებისთვის
FINA-ს ბუღალტრული აღრიცხვის პროგრამა მორგებულია ბიზნესის ყველა მიმართულებასა და კანონმდებლობაზე. აღნიშნულ პროგრამას შეუძლია ბუღალტრული ტრანზაქციების აღრიცხვა, ძირითადი ფუნქციონალით კი შესაძლებელია გაყიდვების, შესყიდვების, მარაგების, ძირითადი საშუალებების მართვა და სხვა.
18-ოქტ-2023
ლოიალობის პროგრამის უპირატესობები
ლოალობის პროგრამები შეიძლება სხვადასხვა მიმართულებით მუშაობდეს, მაგალითად: ერთგულ მომხმარებლებთან წინასწარი შეტყობინებების გაგზავნა ახალ პროდუქტებზე ადრეული წვდომის შესაძლებლობის შესახებ, შეტყობინებები ფასდაკლებებისა და სასაჩუქრე ან გაუმჯობესებული პროდუქციის/მომსახურების შესახებ, სპეციალური შეთავაზებების გაკეთება, როგორიცაა უფასო ან დაჩქარებული მიწოდების სერვისი, განსაკუთრებული ფასდაკლებები და ა.შ.
21-აპრ-2023
რესტორნის ხარჯების აღრიცხვის მარტივი გზები
რესტორნის მართვა ბევრისთვის საოცნებო საქმიანობაა, ვინაიდან შემოსავლის წყაროებს შორის საკუთარი ბიზნესის ქონა ერთ-ერთი ყველაზე კომფორტული და მომგებიანია. მაგრამ კომფორტთან ერთად გასათვალისწინებელია ის უმცირესი დეტალები, რომელთა სწორად დამენეჯმენტების გარეშე ბიზნესი დომინოს პრინციპით ჩამოიშლება. სწორედ ასეთი ფაქტორები აქცევს რესტორნის მართვას კომპლექსურ და საფრთხილო საქმიანობად.
5000+
ორგანიზაცია უკვე იყენებს FINA-ს
ANYDESK
TEAMVIEWER
დატოვეთ შეტყობინება
დაგვიკავშირდით